БИШКЕК, 27-июл. — Sputnik. Жогорку Кеңештин депутаттары бүгүн президент Садыр Жапаров менен жолугат. Бул туурасында парламенттен билдиришти.
Маалыматты Sputnik Кыргызстанга эл өкүлү Айсулуу Мамашова да ырастады.
Жолугушуу "Ала-Арча" мамлекеттик резиденциясында өтөт. Мамашова ага чакыруу келгенин, бирок эмне маселе караларын билбей турганын айтты.
Белгилей кетсек, өткөн жумада 21-июль күнү да ЖК депутаттары Садыр Жапаров менен жолугуп, шайлоо системасы боюнча сунушталган мыйзам долбоору ортого салынган. Анда эл өкүлдөрүн ЖК имаратынын жанынан автобуска салып алып кетишкен.