БИШКЕК, 27-июл. — Sputnik. “Түндүк электр” ишканасынын маалымат кызматы Бишкекте бүгүндөн тарта 2,3 миң абоненттин жарыгы өчүрүлөрүн кабарлады.
Карызы барлардын электр энергиясы акылдуу эсептегичтердин жардамы менен аралыктан өчүрүлөт. Карыздын жалпы суммасы 12 миллион сомго жеткен. Мындан улам “Түндүк электр” өз убагында төлөөгө чакырат.
Ошондой эле балансты "Түндүк электрдин" күнү-түнү иштеген 1209 номери аркылуу колл-борборуна чалып тактаса болот. Мындан сырткары, кардар (0551) 00-12-09 WhatsApp номерине билдирүү жазып, жооп ала алат.
Карызды Quickpay, Pay24, UMAI, KICB, "БТА банк" төлөм терминалдары аркылуу, ошондой эле UMAI, "Элсом" электрондук капчыктары жана "Айыл банк", "ДосКредоБанк", "БТА банк", "Кыргызстан" коммерциялык банкы жана "Кыргыз почтасы" мамлекеттик ишканасынын кассаларынан төлөөгө болот.