Африкадагы Серенгети жаратылыш паркын көп жаныбарлар байырлап, табиятты тарткан операторлор жакшы кадрларга туш болот. Бул ирет камера көтөргөндөрдүн каарманы эки баласы бар кабылан менен гиена болгонун "National Geographic Россия" сайты жазды.
Бир учурда горизонтто пайда болгон буйволдордун үйүрүнүн ичинен көлөмдүү жаныбар күчүктөргө көз арткан гиенаны көздөй чуркаган. Күүлөнүп келе жаткандыктан бир топко чейин сүрүлүп барып токтоп, тап берип, сүр көрсөтүп, бир топ сестенткен. Күтүүсүз мындай кырдаалдан улам берки жырткыч олжосуна кайыл боло аңызды аралап качып кутулган.
Жапайы жаратылышта кээде алсыз буйволдорго айлакер, шамдагай кабыландар кол салып, жара тартып жеп кеткени көп эле кездешет. Анткен менен бул сапар ата-энелик инстинкт ойгонуп кеттиби, айтор, буйвол кабыландын баласын жан үрөп сактап калган.