БИШКЕК, 19-июл. — Sputnik. Кыргызстанда картошка, помидор жана бадыраң арзандады. Бул туурасында Улуттук статистика комитети 18 калктуу конушка жүргүзгөн мониторингинде белгилүү болгонун билдирди.
Картошканын эң арзаны Өзгөн (31,98 сом), Баткен (34,75 сом) жана Исфана (35,99 сом) шаарларында катталган. Ошол эле учурда эң кымбат баа Бишкек (43,88 сом), Токтогул (44,13 сом) шаарлары жана Чаек айылында (45,60 сом) болгон.
Ал эми помидор менен бадыраңдын арзанын Покровка айылы (Талас району) жана Токмок шаарынан алууга болот.