БИШКЕК, 16-июл. — Sputnik. Бекбосун Бөрүбашов президенттин кеңешчиси болуп дайындалды. Тиешелүү жарлыкка өлкө башчысы Садыр Жапаров кол койгонун президенттин маалымат кызматы билдирди.
Бөрүбашов Кыргыз-Россия Славян университетинин юридика факультетинин кафедра башчысы кызматын аркалайт. Буга чейин ал президенттик башкаруу формасына ыктаган өлкөнүн жаңы Баш мыйзамын даярдоодо Конституциялык кеңешмени жетектеген.