БИШКЕК, 14-июл. – Sputnik. Москвадан Ысык-Көлгө жаңы аба каттамы ачылат. Бул тууралуу "Манас" эл аралык аэропорту" ААКтын маалымат кызматы кабарлады.
Билдирмеге караганда, "Ысык-Көл" эл аралык аэропорту Москвадан алгачкы каттамды 15-июлда тосуп алмакчы.
Москва — Тамчы — Москва каттамын "Аэрофлот" авиакомпаниясы дүйшөмбү, бейшемби жана ишемби күндөрү жумасына үч ирет жүргүзүүнү пландоодо.
Маалыматта баа саясатын учууларды ишке ашырган компания ички эрежелерине ылайык аныктай турганы кошумчаланды.