БИШКЕК, 13-июл. — Sputnik. Ош шаарына Sinopharm вакцинасынын 50 миң дозасы жеткирилди. Бул тууралуу мэриянын маалымат кызматы кабарлады.
Ал эми Ош облусунун элин коронавируска каршы эмдөө үчүн вакцинанын 85 миң дозасы барган. Вакцина аймактардагы бардык эмдөө пунктуларына бирдей бөлүштүрүлө турганы кошумчаланды.
Эске салсак, 11-июлда Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталды.