БИШКЕК, 11-июл. — Sputnik. Ош шаарында №5307 шайлоо тилкесинде шайлоочулардын бири бюллетенди тытып салды. Бул маалыматты аталган шайлоо тилкесинин төрайымы Гүлбара Алдыракова тастыктады.
Анын айтымында, бюллетенди тытып салган шайлоочу жаңылып, өзү каалабаган партияны белгилеп алганы менен түшүндүргөн. Бул окуя боюнча акт түзүлүп, тытылган бюллетень жараксыз деп табылган.
Ош шаардык кеңешке депутаттарды кайра шайлоого сегиз партия катышып жатат. Калаада 78 шайлоо тилкеси ачылган, шайлоочулардын саны 152 миң 718ди түзөт.