БИШКЕК, 10-июл. — Sputnik. Кыргызстанда өткөн суткада коронавирустан 10 бейтап көз жумду. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.
Өлүм учурларынын көбү ордо калаада катталган.
Учурда ооруканаларда 4 585 бейтап дарыланып жатканы айтылды. Анын ичинен 1 310 бейтаптын абалы оор болсо, 198 кишиники өтө оор деп бааланды. Азыркы тапта 13 282 киши амбулатордук шартта дарыланып жатканы кошумчаланды.