Европа өлкөлөрү менен кызматташтыгыбыз жакшы болгондуктан туристтерди тартууда бир топ мүмкүнчүлүктөр ачылат. Мындай пикирин Арзымат Матмуратов Sputnik Кыргызстан радиосунун эфиринде билдирди.
Анын айтымында, Европага аба каттамдарын ачуу убактысы азырынча тактала элек.
"Негизи туризмдин өнүгүшү үчүн авиацияга көңул буруу зарыл. Туристтерди тартууда негизги шарттар каралса абалыбыз жакшырат. Мисалы, транзиттик рейстерди ачууну карап чыксак болот. Бизге эң көп Москва, Стамбул жана Дубай шаарларынан учактар түз каттайт. Бирок бул жаатта да атаандаштык курч болгондуктан эл аралык каттамдардын санын көбөйтүү абзел. Алсак, Түштүк Кореяга түз каттам ачылса Азия өлкөлөрүнөн келген туристтердин саны көбөйөт. Учурда Сеулга түз рейс жок. Алар менен учурда бардык тармак боюнча кызматташуу жүрүүдө. Демек, алаканы жакшыртып, мүмкүнчүлүктү колдонуу керек. Ошол эле учурда Европага да каттамдарды ачуу боюнча иштер каралууда. Биздин көп студенттер ал континентте билим алууда", — деди Матмуратов.
Ошондой эле адис өлкөдөгү туризмдин өнүгүшү үчүн авиация индустриясына чоң көңүл бурулушу керектигин кошумчалады.