БИШКЕК, 6-июл. — Sputnik. АКШ Афганистандагы аскердик күчтөрүнүн 90 пайызын чыгарып кетти. Бул тууралуу РИА Новости алардын Башкы командачылыгына таянып кабар таратты.
"Чыгарып кетүү иштери улантылууда. Башкы командачылыктын баамында, чыгарып, ташып кетүү иштеринин 90 пайыздан ашыгы бүтүп калды", — деп айтылат маалыматта.
Ошондой эле АКШнын Коргоо министрлиги жүк ташуучу 1000 авиакаттам менен 17 миң даана ар кандай жабдууларды жүктөп кеткени айтылат. Мындан сырткары, Афганистандын Коргоо министрлигине жети объектини калтырып кеткен.