БИШКЕК, 2-июл. — Sputnik. Өзгөчө кырдаалдар министрлиги Кыргызстанда 4-июлдан 8-июлга чейин ченемден тышкары ысык аба ырайы күтүлөрүн айтып, шашылыш билдирүү таратты.
Ага ылайык, 4-июлдан 6-июлга чейин абанын күндүзгү температурасы Чүй, Ош, Жалал-Абад, Баткен облустарынын өрөөндөрүндө 38-40 градуска чейин, Талас өрөөнүндө 36-38 градуска чейин жогорулайт.
Ал эми 7-8-июлда Чүй, Ош, Жалал-Абад, Баткен облустарынын өрөөндөрүндө 39-41 градуска чейин, Талас өрөөнүндө 37-39 градуска чейин көтөрүлүшү мүмкүн.
ӨКМ аптап маалында сыртта көп жүрбөөнү сунуштап, сак болууга чакырды.