БИШКЕК, 2-июл. — Sputnik. Ноокат районунда тыюу салынган экстремисттик уюмдун материалдарын таратып жүргөн 26 жаштагы киши кармалды. Бул тууралуу Ош ОИИБдин маалымат кызматы кабарлады.
26 жаштагы шектүү
© Фото / пресс-служба УВД города Ош
Ага ылайык, кармалган Р. уулу Х. өзүнүн Instagram баракчасы аркылуу өлкө аймагында тыюу салынган диний экстремисттик уюмдун видео жана аудио жазууларын сактап, таркатып жүргөн. Бул материалдарга атайын экспертиза жүргүзүлгөн.
Аталган факты боюнча Жазык кодексинин 315-беренеси ("Экстремисттик материалдарды даярдоо, таратуу") менен иш козголуп, шектүү убактылуу кармоочу жайга киргизилди.
Учурда тергөө иштери уланууда.