БИШКЕК, 1-июл. — Sputnik. Шылуундар Бишкектин тургунун жакыныңды УКМКнын тергөө абагынан чыгарууга жардам беребиз деп 65 миң долларга алдап кетти. Бул тууралуу Октябрь райондук милициясынан билдиришти.
Аталган факты Кылмыш жана жоруктардын бирдиктүү реестине шылуундук катары каттоого алынып, кылмышка шектүү катары 24 жана 23 жаштагы эки жаран кармалды. Экөө тең соттун чечими менен №1 тергөө абагына эки айга камакка алынды. Шектүүлөрдүн башка кылмыштарга катыштыгы бар-жогу такталууда.