БИШКЕК, 1-июл. — Sputnik. Жайкы сезонго байланыштуу Казакстандын Алматы шаарынан Ысык-Көлгө түз аба каттам ачылууда. Бул тууралуу "Манас" эл аралык аэропортунун маалымат кызматы билдирди.
Казакстандын мурдагы борбор шаарынан келген алгачкы учак 2-июлда "Тамчы" аэропортуна конот.
SCAT авиакомпаниясы Алматы — Тамчы — Алматы маршруту боюнча каттамды аптасына үч жолу: дүйшөмбү, шаршемби жана жума күндөрү жүргүзөт. Учак Алматыдан Тамчыга 40 мүнөттө жетет.