Ардак кароолдун командиринин рапортунан кийин Кыргызстан менен Түркмөнстандын мамлекеттик гимндери жаңырып, эки президент ротаны бойлой басып, өз өлкөлөрүнүн расмий делегация мүчөлөрүн тааныштырды.
Буга чейинки маалыматтарда алардын эки жана көп тараптуу кызматташуунун приоритеттүү багыттарын, региондук, эл аралык уюмдардын алкагындагы өз ара алака-катнаштын актуалдуу маселелерин талкуулашары айтылган.
Эске салсак, Жапаров бул күндөрү Түркмөнстанда расмий сапар менен жүрөт. Бүгүн түштөн кейин ал жактан чыгып Тажикстанга барат.