Эл аралык мамиледе биздин өлкө укук маселеси боюнча жаңы гана активдүү аралашып жаткандыктан тармакты жөнгө салуу үчүн убакыт керектелет. Мындай маалыматты Мирдин Ахметов Sputnik Кыргызстан радиосунун эфиринде маек куруп жатып билдирди.
Анын айтымында, юридикалык билимге ээ жаштардын саны өлкө боюнча жетиштүү.
"Азыркы учурда Кыргыз мамлекеттик юридикалык университетинде Эл аралык укук жана эл аралык мамилелер институту адистерди даярдап келет. Эл аралык мамиледе юристтердин аз болуп келгени юриспруденцияга гана тиешелүү иш эмес. Учурда Кыргызстан эл аралык аренадагы карым-катнаштарга кызуу киришип жаткан учуру. Адистер жетиштүү болгону менен тажрыйба жетишпей жатат. Анткени эл аралык мамиледе биздин өлкө укук маселеси боюнча жаңы гана аралашып жаткандыктан тармакты жөнгө салуу үчүн убакыт керектелет. Мисалы, бизнес-долбоорлор, трансулуттук корпорациялар, ири укуктук иш-чараларга кире баштадык. Бул багыт экономикалык жагынан өнүгүү жолуна түшсө адистер үчүн тажрыйба арттырууга жакшы мүмкүнчүлүк болот. Азыр барган сайын курч талаптар коюлуп жатат. Мурда юриспруденция боюнча жалпы билим берилип келсе, эми адистин окууну аяктагандан кийин иш таап кетүүсүнө аракет жумшап жатабыз", — деди Ахметов.
Ошондой эле адис тергөө-криминалистика багытындагы адистерди даярдоо материалдык базанын жоктугунан улам кыйынга туруп келерин кошумчалады.
Подкасттын толук версиясын видеодон көрүңүз: