БИШКЕК, 27-июн. — Sputnik. УКМКнын маалымат кызматы муфтийди шайлоого атайын кызматтагылар кийлигишип, талапкерлерге кысым көрсөттү деген билдирүүгө жооп берди.
УКМК мындай маалымат чындыкка дал келбей турганын билдирди.
"УКМКнын Кыргызстан мусулмандарынын дин башкармалыгынын ишине кийлигишүүгө укугу жок. Конституция боюнча, мамлекет динден бөлүнүп турат", — деп жооп берген.
Белгилей кетсек, кечээ, 26-июнда, Аалымдар кеңешинин курултайы өтүп, муфтийликке Замир Ракиев шайланган.