БИШКЕК, 27-июн. — Sputnik. Соңку суткада Кыргызстанда COVID 992 адамдан табылып, алты бейтап көз жумду. Ал эми сакайып кеткендердин саны 550гө жетти. Бул туурасында Саламаттык сактоо жана социалдык өнүктүрүү министрлигинен кабарлашты.
Жуктургандар:
Сакайгандар:
Тилекке каршы, вирус өткөн суткада алты кишинин өмүрүн алды. Анын ичинен үчөө Бишкек шаарынын, экөө Жалал-Абад облусунун, бири Чүй облусунун тургундары болгон. Ушуну менен коронавирустан каза болгондордун саны 1 977ге жетти.
Республика боюнча COVID-19 башталгандан бери жалпысынан 120 865 киши вирус жуктурду. Анын ичинен 108 465 киши сакайып кетти.
Стационарларда ушул тапта 2 995 киши дарыланып жатат. Анын ичинен 899унун абалы оор, 127 киши өтө оор абалда жатат.