БИШКЕК, 25-июн. — Sputnik. Тышкы иштер министри Руслан Казакбаев Россиянын Кыргызстандагы атайын жана ыйгарым укуктуу элчиси Николай Удовиченкону кабыл алганын министрликтин маалымат кызматы кабарлады.
Ага ылайык, тараптар мамлекет башчы Садыр Жапаров менен Россия президенти Владимир Путиндин Москва жана Сочи шаарларында сүйлөшүлгөн келишимдерин иш жүзүнө ашыруу боюнча иш-аракеттерди баштоо тууралуу сөз кылышкан.
Мындан сырткары, Кыргызстан менен Россиянын эриш-аркак жылынын жабылыш аземи жөнүндө баарлашып, эл аралык жана регионалдык уюмдардын алкагында кыргыз-россия эки тараптуу кызматташтыгынын жана өз ара аракеттенүүсүнүн актуалдуу маселелерин талкуулашкан.