БИШКЕК, 25-июн. — Sputnik. Белгисиз адамдар Казакстандын чек арасында туруп Кыргызстанды көздөй баңгизат ыргыткан. Бул тууралуу УКМКнын Чек ара кызматы кабарлады.
Андан соң алар Кыргызстандын аймагына эки литрлик төрт желим бөтөлкө ыргытып, кайра ары көздөй качып кетишкен.
Текшере келгенде бөтөлкөлөрдүн ичинен 2 килограмм 120 грамм кара куурай табылган.
Тийиштүү документтер толтурулгандан кийин алынган баңгизат ИИМге өткөрүп берилген.