БИШКЕК, 18-июн. — Sputnik. Ош шаарында 1-июлдан тарта үлпөт той, маараке сыяктуу массалык иш-чараларды өткөрүүгө тыюу салынат. Бул тууралуу мэриянын маалымат кызматы кабарлады.
Мэрия муну коронавирус жуктурган учурлардын саны өсүп жатканы менен байланыштырып, шаар "кызыл зонага" киргенин кошумчалады. Белгилей кетсек, өлкө боюнча оору көп катталгандардын саны боюнча Ош шаары 2-3-орундан түшпөй келет. Өткөн суткада аталган шаарда 73 адамдан коронавирус аныкталган.