БИШКЕК, 16-июн. — Sputnik. Бишкектин жанындагы Алтын-Ордо жаңы конушуна газ киргизилди. Бул тууралуу "Газпром Кыргызстан" ишканасынан билдиришти.
"Алтын-Ордо конушунда 25 чакырым газ түтүгү тартылды. Муну менен 1 800 түтүнгө жаратылыш газын жеткирүүгө болот. Ушуну менен өлкө 35 пайызга газ менен камсыз болду", — деп айтылат билдирүүдө.
Мындан тышкары, 2021-жылы "Газпром Кыргызстан" Көк-Жар жана Рухий-Мурас конуштарына газ түтүгүн тартууну пландап жатканын кошумчалады.