БИШКЕК, 14-июн. — Sputnik. Сокулукта 19-май күнү жоголуп кеткен 17 жаштагы Айжанат табылды. Бул тууралуу Чүй облустук ИИББден билдиришти.
Сокулукта 19-май күнү жоголуп кеткен 17 жаштагы Айжанат табылды
© Фото / пресс-служба ГУВД Чуйской области
Кыз Новопавловкадагы Алтын-Ордо калктуу конушундагы үйүнөн 19-майда чыгып кеткен боюнча дайынсыз болуп жаткан. Өспүрүм буга чейин да үйүнөн качып кетип, милиция кызматкерлери кайра кайтарышканы айтылган.
Бул жолу Сокулук райондук милициясынын кызматкерлери кызды Бишкектеги жаңы конуштардын биринен тапкан. Ал ушул күнгө чейин курбусунун үйүндө болгону аныкталган.