БИШКЕК, 11-июн. — Sputnik. Жалал-Абад облусунда 10 килограмм баңгизат менен мурда бир нече жолу соттолгон 29 жаштагы киши кармалды. Бул тууралуу ИИМдин Баңгизаттарды мыйзамсыз жүгүртүүгө каршы күрөшүү кызматы (БМЖККК) кабарлады.
Жалал-Абад облусунда 10 килограмм баңгизат менен мурда бир нече жолу соттолгон 29 жаштагы киши кармалды
© Фото / пресс-служба СБНОН МВД КР
Шектүү 9-июнда атайын операциянын жүрүшүндө колго түшүрүлгөн. Аны БМЖКККнын жана Таш-Көмүр ШИИБдин кызматкерлери колго түшүргөн.
"Анын жанынан афган түспөлүндөгү нашаа салынган 10 таңгак табылып, алынган. Тыюу салынган заттын жалпы салмагы 10 килограмм 55 граммды түзөт", — деп айтылат маалыматта.
Шектүү 9-июнда атайын операциянын жүрүшүндө колго түшүрүлгөн
© Фото / пресс-служба СБНОН МВД КР
Учурда сотко чейинки өндүрүш жүрүп жатат. Аталган кылмышка тиешеси бар башка адамдар да аныкталууда.