БИШКЕК, 10-июн. — Sputnik. Жума күнү күндүз айрым райондордо күн күркүрөп, жамгыр жаайт. Бул тууралуу Кыргызгидромет билдирди.
Маалыматка ылайык, батыштан соккон шамалдын ылдамдыгы секундасына 4-9 метрге жетет.
Абанын температурасы Чүйдө +28…33, Талас жеринде +26…+31, Ош, Жалал-Абад, Баткен облустарында +29…+34, Ысык-Көл өрөөнүндө +19…+24, Нарын өрөөндөрүндө +18…+23 градусту түзөт.
Күндүн табы Бишкекте +29…+31, Ош шаарында +31…+33 градусту көрсөтөт.