БИШКЕК, 10-июн. — Sputnik. Ош шаарында июнь окуясында каза болгондор эскерилип, куран окутулду. Бул тууралуу жергиликтүү кабарчы жеринен билдирди.
Иш-чарага маркумдардын жакындары катышты. Алар алгач "Энелердин көз жашы" эстелигине гүлчамбар коюп, куран окушту.
2010-жылы өлкөнүн түштүгүндө 400дөн ашуун адамдын өмүрүн алган июнь коогасына бүгүн 11 жыл болду. Расмий маалыматтар боюнча, бул каргашалуу окуяда 446 адам каза болуп, 2 миңге чукул жаран ар кандай жараат алган.
57 адам дайынсыз жоголуп, алардын 19у бүгүнкү күнгө чейин табыла элек. Массалык башаламандыкка байланыштуу 100дөн ашуун адамга издөө жарыяланган.