БИШКЕК, 10-июн. — Sputnik. Бишкектин Аламүдүн-1 кичи районунда сууга агып бара жаткан өспүрүм кызды ИИМ академиясынын кызматкери менен курсанттары куткарып калышты. Бул тууралуу аталган окуу жайдын маалымат кызматынан билдиришти.
Бишкектин Аламүдүн-1 кичи районунда сууга агып бара жаткан өспүрүм кызды ИИМ академиясынын кызматкери менен курсанттары куткарып калышты
© Фото / пресс-служба академии МВД КР
Окуя бүгүн, 10-июнь күнү, болгон.
"ИИМ академиясынын курсанттары Бекбол Молдосанов, Марсел Тынчтык уулу, Байсеит Акматов жана академиянын кызматкери, милициянын прапорщиги Мелис Осеков Аламүдүн-1 кичи районунда сууга агып бара жаткан өспүрүм кызды куткарып калышты. Кызга биринчи медициналык жардам көрсөтүп, Тез жардам кызматына тапшырып беришти", — деп айтылат билдирүүдө.
Маалыматта окуянын чоо-жайы айтылган эмес.