БИШКЕК, 8-июн. — Sputnik. Экс-премьер-министр Өмүрбек Бабановдун тарапташтары Талас шаарында митингге чыгышты.
Бүгүн кечке жуук Талас облустук музыкалык драма театрынын алдына жүздөгөн адам чогулган. Алар Бабановду абактан чыгарууну талап кылууда. Колдоруна "Бабановго боштондук!", "Бабанов — эл сыймыгы", "Бабанов Кумтөрдүн жерин кайтарган. Ал патриот" деген лозунгдарды көтөрүп турушат.
Белгилей кетсек, Өмүрбек Бабанов Кумтөр боюнча козголгон кылмыш иштин алкагында кармалып, 2-июнь күнү эки айга УКМКнын тергөө абагына киргизилген.