БИШКЕК, 8-июн. — Sputnik. Энергетика жана өнөр жай министри болуп Доскул Бекмурзаев дайындалды. Бул туурасында президенттин маалымат кызматы кабарлады.
Бекмурзаев былтыр октябрдагы элдик толкундоого чейин "Түндүк электр" ишканасын жетектеп кеткен. Ал эми үстүбүздөгү жылдын 25-мартында Улуттук энергетикалык холдингдин башкы директорунун орун басарлыгына дайындалган болчу.
Садыр Жапаров бүгүн, 8-июнда, энергетика жана өнөр жай министри Кубанычбек Турдубаевди кызматтан бошоткон.