Өткөн аптада Бишкек бир нече күн бою маршруткасыз калды. Айдоочулар жол кирени 10 сомдон 15 сомго көтөрүүнү талап кылды. Мэрия маселени сентябрь айында чечип берүүнү убада кылып, жыйынтыгында айдоочулар ишке чыкты.
Ошол учурда Бишкекке кыргыздардын арасынан алгачкылардан болуп Эверест чокусуна чыккан Эдуард Кубатов кайтып келди. Аны аэропортто тууган-уругунан тышкары журналисттер жана жөн гана анын ийгилигине кубанган мекендештер тосуп алды.
Ал эми президент Садыр Жапаров эл аралык балдарды коргоо күнүнө карата аз камсыз болгон үй-бүлөлөрдүн балдарын кабыл алып, өзүнүн иш бөлмөсүн көрсөттү.
Ал ортодо Россияда Петербург эл аралык экономикалык форуму өтүп, ага президент Владимир Путин катышты.