БИШКЕК, 7-июн. — Sputnik. Ош облусунун Кара-Кулжа райондук прокуратурасы бала бакчага тиешелүү жердин бир бөлүгүнүн мыйзамсыз сатылгандыгын аныктады. Бул тууралуу башкы прокуратуранын маалымат кызматы билдирди.
Текшерүүнүн жыйынтыгы менен райондук прокуратура тарабынан топтолгон материалдар Жазык кодексинин 320-беренеси ("Кызматтык абалынан кыянаттык менен пайдалануу") менен Кылмыш жана жоруктардын бирдиктүү реестрине катталып, сотко чейинки өндүрүш иши башталды.
Мындан тышкары, мыйзамсыз берилген укук белгилөөчү жана укук күбөлөндүрүүчү документтерди жокко чыгаруу максатында прокуратура тарабынан сотко доо арыздар киргизилди.