БИШКЕК, 7-июн. — Sputnik. Ысык-Ата райондук ИИБи дайынсыз болуп жаткан Калдаев Урмат Болотбековичке издөө салат. Бул тууралуу Чүй облустук милициядан кабарлашты.
Ысык-Ата райондук ИИБи дайынсыз болуп жаткан Калдаев Урмат Болотбековичке издөө салат
© Фото / пресс-служба ГУВД Чуйской области
Маалыматта анын 48 жашта экендиги айтылды.
Урмат Калдаев 2020-жылдын 20-майында Кызыл-Арык айылындагы үйүнөн чыгып кеткен боюнча кайра келген эмес. Милиция анын дене түзүлүшү, белгилери тууралуу маалымат берди.
Бою 180-182 см., чачы кара, кыска кыркылган, кой көз, өтө арык, өтө толук эмес. Спорттук ачык боз шымчан, ачык көк футболкачан чыгып кеткен. Бутунда күрөң сланцы болгон.
Байкала турган белгиси — сол жаагында калы бар.
Милиция Урмат Калдаев тууралуу уккандар, көргөндөр болсо (0312) 43-01-27, 43-88-85, 61-69-07 телефондоруна чалып кабарлап коюуну суранды.