БИШКЕК, 4-июн. — Sputnik. Маршрутка айдоочулары бүгүн да ишке чыккан жок. Бул тууралуу мэриянын маалымат кызматы кабарлады.
Кабарчылардын байкоосуна караганда, мурдагы күндөргө салыштырмалуу бүгүн аялдамаларда эл анча көп эмес.
Буга чейин мэрдин милдетин аткаруучу Бактыбек Кудайбергенов маршрутка айдоочулары 4-июнда да ишке чыкпай коюшу ыктымал экенин эскерткен.
Эске салсак, 2-июнда Бишкекте бардык маршрутка айдоочулары иш таштаган. Алар мэрия менен шаардык кеңеш жол кирени көтөрбөй жатканына нааразы. Буга чейин да алар иш таштап, жол кирени 10 сомдон 15 сомго жогорулатууну талап кылышкан.