БИШКЕК, 3-июн. — Sputnik. Үстүбүздөгү жылдын беш айында (январь-май) Кыргызстанда 19 498 түгөй никеге туруп, ошол эле учурда 4 389 жубай ажырашты. Бул тууралуу Мамлекеттик каттоо кызматынан билдиришти.
Мамкаттоо никеге туруу же ажырашуу боюнча өлкөнүн бардык жериндеги Калкты тейлөө борборлоруна жана Жарандык абалдын актыларын каттоо бөлүмүнө (ЗАГС) кайрылса болорун эскертет. 2020-жылы күчүнө кирген "Жарандык абалдын актылары жөнүндө" мыйзамга ылайык, жашаган жери жана каттоосу кайсы аймакта экенинен көз каранды эмес.