БИШКЕК, 28-май — Sputnik. Кыргызстанда соңку суткада коронавирустан жети адам каза таап, 283 адам ооруга чалдыккан. Бул туурасында Республикалык штабдан кабарлашты.
Маалыматта инфекцияны жуктургандарга салыштырмалуу ооруну жеңип чыккандардын саны арбыныраак экенин байкоого болот. Соңку суткада коронавирустан 391 адам айыгып кеткен.
Адаттагыдай эле ооругандар менен көз жумгандардын саны борбор калаада арбын катталып жатат.
"Бишкекте төрт, Чүй облусунда бир, Талас облусунда бир жана Ош шаарында бир бейтап коронавирустан көз жумду", — деп айтылат маалыматта.
Бир сутка ичинде коронавирус жана пневмония болгондор:
Айыгып чыккандар боюнча төмөнкүдөй статистика:
Учурда стационарда 1 658 бейтап дарыланып жатса, алардын ичинен 90 кишинин абалы өтө оор деп айтылды.
Ал эми үйүндө оору менен алышып жаткандардын саны 1 854 экени маалым болду.