БИШКЕК, 20-май — Sputnik. Кыргызстандын оор атлетика боюнча курама командасы өспүрүмдөр арасында өтө турган Дүйнө чемпионатына катышат. Бул тууралуу Жаштар иши, дене тарбия жана спорт агенттиги кабарлады.
Турнир 21-31-май күндөрү Өзбекстандын борбору Ташкент шаарында болот.
Дүйнө биринчилигине Эльзар Таиров (61 кг.) жана Ишимбек Муратбек уулу (67 кг.) катышып, аларды улук машыктыруучу Элдияр Шатманов коштоп барды.
Курама команда мелдешке агенттикке караштуу Спорттун олимпиадалык түрлөрү боюнча дирекциясы тарабынан жөнөтүлөт.