Беттештин толук видеосун Impact Promotions өзүнүн YouTube-каналына чыгарган.
WMBB маалымат сайтында айтылгандай, таймаш Флорида штатынын Панама-Сити шаарында Beatdown at the Beach 18 турниринде болгон.
Беттеш экинчи раунддун төртүнчү секундасында токтогону айтылды.
Биринчи үч мүнөттүктө атаандаштар туруп мушташып, бири-бирин жерге жыгып, партерден таймаш жүргөн. Ал эми экинчи бөлүк башталбай жатып аяктады. Калыс раунддун башталганын билдирген соң Браун 360 градус чимирилип тээп, сокку атаандашынын башына таамай тийген. Ал эстен танып, сулк кулаган.
Соцтармактардын колдонуучулары комментарийлерде мушкердин ыкмасын Жеки Чан жана Жан-Клод Ван Дамм катышкан популярдуу тасмалардагы көрүнүштөргө салыштырышкан.