БИШКЕК, 19-май — Sputnik. "Кыргыз темир жолу" ишканасынын мурдагы директору Василий Дашков үй камагына чыгарылды. Бул тууралуу Бишкектин Биринчи май райондук сотунун маалымат кызматы кабарлады.
Дашковдун Жазык кодексинин 204-беренесинин 3-бөлүгү ("Ири өлчөмдөгү алдамчылык") менен айыпталып УКМК тарабынан кармалганы белгилүү болду.
Василий Дашков "Кыргыз темир жолу" мамлекеттик ишканасына 2020-жылдын 11-апрелинде жетекчи болуп дайындалып, быйыл 31-мартта кызматтан алынган. Ага чейин ушул эле мекеменин жетекчисинин инвестиция тартуу жана курулуш маселелери боюнча орун басары болуп иштеген.