БИШКЕК, 18-май — Sputnik. Токтогул районунда ун ташып бара жаткан автоунаадан өрт чыкканын ӨКМдин маалымат кызматы кабарлады.
Окуя Бишкек — Ош унаа жолунун 219-чакырымында болгон. Анда Volvo оор жүк ташуучу унаанын чиркегичи толугу менен күйүп, жүктөп келе жаткан уну жарабай калган.
ӨКМ тараткан сүрөттөн чиркегичтин каркасы эле калганын, жерде өрттөнгөндөн калган ун чачылып жатканын көрүүгө болот.
Өрттүн себеби такталууда.