БИШКЕК, 15-май — Sputnik. Жыл сайын 15-май күнү Кыргызстанда иш учурунда каза тапкан милиция кызматкерлери эскерилет. ИИМдин маалымат кызматынан билдиргендей, быйылкы эскерүү иш-чарасында мемориалдык тактага гүлчамбар коюлду.
Борбордук аппаратта өткөн аза күтүү митингине министрдин орун басары Нурбек Абдиев, ИИМдин Ардагерлер кеңешинин төрагасы Султан Жоошбаев, кызматкерлер жана маркумдардын жакындары катышты.
"1918-жылдан 1991-жылга чейин 87 милиционер кызматтык милдетин аткарып жатып каза болсо, 1991-жылдан тарта ушул күнгө чейин адардын саны 57ге жетти. Жалпысынан кыргыз милициясы 144 кызматкеринен айрылды. Берилген антка туруу үчүн өз өмүрүн аябаган азаматтардын жаркын элеси өмүр бою жүрөгүбүздө сакталат”, — деди Абдиев.
Иш-чара бир мүнөттүк аза күтүү менен аяктады.