Тарых илимдеринин доктору, профессор Ташманбет Кененсариев тарых булактарында Енисей кыргыздарынын (биздин замандын VI-X кылымдары) чачы сары, көзү көк, узун бойлуу, ак жуумал, европеоиддерге түспөлдөш болгону жазылганын белгиледи. Буга орус окумуштуусу Иоакинф Бичуриндин кытай булактарынан которгон тексттери далил.
"VII-X кылымдарда Цзянькунь (кыргыз) мамлекетинде жашагандардын басымдуу бөлүгү сары чачтуу жана көк же жашыл көздүү болгон. Чачы кара, кой көздүүлөр Ли Линдин урпактары болуп саналышкан. Ал кезде эзелки кыргыздардын мекени азыркы Кыргызстандын аймактарына канатташ жерлер болгондугу тарыхый жактан далилденген", — деп жазылат Бичуриндин котормосунда.
Sputnik Кыргызстан агенттиги буга чейин эл арасындагы көзү жашыл, өңү сары кыргыздардын сүрөттөрүн чогултуп, материал даярдаган. Аларды көргөндө кудум енисейлик кыргыздар көз алдыңа тартылат.