БИШКЕК, 7-май— Sputnik. Улуу Жеңиштин 76 жылдыгына карата Бишкектеги советтик жоокерлердин жалпы көрүстөнүндө митинг-реквием болгонун мэриядан билдиришти.
Иш-чарага ардагерлер, мэрдин милдетин аткаруучу Бактыбек Кудайбергенов, Россиянын элчиси Николай Удовиченко, Беларусиянын элчиси Андрей Страчко, ардагерлердин райондук кеңешинин төрагасы Маркиль Ибраев катышты. Алар маркумдарды эскерип, мемориалга гүл коюшкан.
Жалпы көрүстөнгө Улуу Ата Мекендик согуштун 248 катышуучусунун сөөгү коюлган.