БИШКЕК, 7-май — Sputnik. Баткендеги кыргыз-тажик чек арасында болгон куралдуу кагылыштан жабыркап, Бишкектеги Травматология жана илим изилдөө борборунда жаткан 37 бейтапка документ берүү үчүн мобилдик топ барып керектүү маалыматтарды алып кетишти. Бул тууралуу Мамлекеттик каттоо кызматы билдирди.
Жарандарды документтештирүү Мамкаттоонун эсебинен жүргүзүлөт.
Бүгүн мобилдик топтун мүчөлөрү ооруканага барып бейтаптарды сүрөткө тартып, бланкаларды толтуртуп кайтышкан. Жакынкы аралыкта аларга ID-карта берилет.