БИШКЕК, 6-май — Sputnik. Бишкек шаарынын тургуну 62 жаштагы жолдошу Рысбек Сейталиевди издеп жатат. Бул тууралуу Ленин райондук ички иштер бөлүмүнөн билдиришти.
Бишкекте жоголуп кеткен Рысбек Сейталиев
© Фото / пресс-служба УВД Ленинского района
Ал милицияга 2-майда кайрылган. Айтымында, жолдошу 28-апрелде саат 15:00дөр чамасында Ак-Өргө конушундагы үйүнөн чыгып кеткен боюнча кайра кайтып келген эмес.
Белгилери: бою 170-175 сантиметр, кара тору, кой көздүү. Үстүнө көк түстөгү жилет, көк шым, кара туфли кийип жүргөн. Амнезия менен жабыркайт. Бул кишини көргөн-билгендер 0 (312) 35-26-05, 0 (312) 44-44-57, 0(312) 35-26-32, 0(701) 64-44-03, 0(705) 07-50-18 жана 102 номерлерине кабарласа болот.