Кыргызда экини кош деген. Өзгөчө жер-сууга ат берерде бул сөз көп колдонулган. Таластагы Кошой тоосу да мына ушундай маанини түшүндүрөт. Бул тууралуу Темиркул Эшенгулов Sputnik Кыргызстан радиосунун "Жер тааны" рубрикасында маек куруп жатып билдирди.
Анын айтымында, Үч-Кошой суусу да так эле ушундай маанини туюндурат.
"Таластагы Кошой тоосу же Үч-Кошой суусунун аталышына "Манас" эпосундагы каарман Кошой баатырдын тиешеси жок. Кыргызда экини "кош" деп атаган. Өзгөчө жан-жаныбар, жер-суу аталыштарында ушул вариант колдонулган. Андыктан "кош" жалгыз эмес, жуп дегенди "ой" улам төмөндөп отурган жер рельефин билдирген", — деди Эшенгулов.
Топономист бул аталышты облустагы Көк-Ой айылы да далилдеп турганын кошумчалады.