БИШКЕК, 3-май. — Sputnik. Бишкекте термометрдин көрсөткүчү акырындык менен жогорулай баштады. Мындан улам фонтандар ишке киргизилди. Бул тууралуу мэриядан билдиришти.
"Тазалык" муниципалдык ишканасынын балансында 16 фонтан комплекси бар.
"Жаш гвардия бульварындагы фонтандан башкаларынын бардыгы эртең мененки саат 10.00дөн кечки 19:00гө чейин иштейт. Ал эми "Ала-Тоо" аянтындагы жана Тарых музейинин маңдайындагы фонтандар кечки саат 21:00гө чейин атат", — дешти мэриядан.
Белгилей кетчү жагдай, бардык фонтандар түшкү саат 14:00дөн 16:00гө чейин техникалык тыныгууга өчүрүлөт.