ӨКМдин билдиришинче, Максат айылында 11 турак үй жана "Максат" чек ара заставасы менен мектеп күйгөн. Кандуу кагылыш башталган соң бул айылдын тургундары эвакуацияланган болчу. Азыркы тапта жашоочулар кайтып келе элек.
Новиков өз сөзүндө келтирилген зыяндын орду толтурула турганын убадаласа, Ташиев калыбына келтирүү иштери мамлекеттин өз күчү менен жасаларын белгиледи. Анын айтымында, курулуш иштери бир жумадан кийин башталат, ал эми жашоочулар ага чейин ӨКМдин чатырларында күн кечирип турмакчы.