Борбор калаадагы чиркөөгө жүздөгөн киши келди. Илгертен бери Пасха майрамында христиандар түн ичинде чиркөөгө барып чокунуп, шам жагышат. Бул күнү бири-бирин куттукташып, жаман иштен алыс болушат.
Пасха — христиандардын чоң майрамы жана ага терең маани берилет. Христиан дининде Иисус Христостун тирилген күнү катары саналат. Майрамдын башкы символу — боелгон жумурткалар. Андан сырткары, атайын пасха токочтору, грек жаңгагы менен мейиз коюлат.