БИШКЕК, 27-апр. — Sputnik. Саламаттык сактоо министринин мурдагы орун басары Нурболот Үсөнбаев Республикалык карантиндик жана өзгөчө кооптуу инфекциялар борборунун директорунун орун басары болуп дайындалды. Бул тууралуу министрликтин маалымат кызматынан кабарлашты.
Үсөнбаев 2020-жылдын башынан бери саламаттык сактоо министринин орун басары болгон. Ага чейин азыр дайындалган кызмат ордунда иштеп келген.
Эске салсак, министрдин орун басарлары Мадамин Каратаев менен Нурболот Үсөнбаев 25-мартта кызматтан алынган.
Каратаев Фтизиатрия улуттук борборунун жетекчиси болуп дайындалган.